Malayalam lyrics

ഒരു കാറ്റും കാറ്റല്ല
ഒരു പാട്ടും പാട്ടല്ല
ഓടക്കുഴലുമായ് നീയില്ലേ
ഓമനപ്പാട്ടുമായ് നീയില്ലേ (ഒരു കാറ്റും)
കളിവഞ്ചി തുള്ളി കവിളത്തു നുള്ളി
കരളിന്റെ കിളിവാതില്‍ നീ വന്നു തള്ളി
ഉള്ളിലുറങ്ങും പുള്ളിക്കുയിലേ
കിള്ളിയുണര്‍ത്തിയതാരാണു നിന്നെ (ഒരു കാറ്റും)
കരിമണ്ണില്‍ പൂത്തു
കനലൊളികള്‍ കോര്‍ത്തു
കരിയില്ലീ അനുരാഗ വനമുല്ലമാലാ
തിരിനീട്ടി നീ എന്റെ ഇരുള്‍മൂടും നെഞ്ചിൽ
മണിവീണ മീട്ടി നീ മണവാട്ടീ
മണിവീണ മീട്ടി നീ മണവാട്ടീ (ഒരു കാറ്റും)

Song video

Watch on YouTube

Song details

വർഷം: 1956

സംഗീതം: വി ദക്ഷിണാമൂർത്തി

ഗാനരചന: വയലാർ രാമവർമ്മ

ഗായകർ: എ എം രാജ, ജിക്കി കൃഷ്ണവേണി

വിശദവിവരങ്ങൾ: VENU

Album: അവർ ഉണരുന്നു