Malayalam lyrics

ഓമനപ്പാട്ടുമായ്‌ ഓണപ്പൂമാലയുമായ്‌
എന്നെന്റെ മനസ്സിന്റെ സ്വയംവരപ്പന്തലിൽ
എൻപ്രിയമാനസനൊരുങ്ങിവരും
കല്യാണസൗഗന്ധികപ്പൂവിനു പോയിരുന്ന
കാമുകരെല്ലാരും മടങ്ങി വന്നു
കതിർമണ്ഡപങ്ങളിൽ കാതരമിഴികൾതൻ
കതിരിട്ട കിനാവുകൾ വിരിഞ്ഞുനിന്നു.
മോഹങ്ങളുണർന്നൊരു ഹേമന്തരജനിയിൽ
മോതിരം മാറിയതു മറന്നുപോയോ?
വസന്തങ്ങൾ വാസനപ്പൂമാല കൊരുക്കുമ്പോൾ
വരാമെന്നു പറഞ്ഞതും മറന്നുപോയോ

Song video

Watch on YouTube

Song details

വർഷം: 1966

സംഗീതം: കെ രാഘവൻ

ഗാനരചന: വയലാർ രാമവർമ്മ

ഗായകർ: എൽ ആർ ഈശ്വരി

വർഗ്ഗീകരണം: റൊമാന്റിക് മെലഡി

അഭിനേതാക്കൾ: ശാരദ

വരികൾ: സൂസി, സംശയാലു

Album: അർച്ചന