Malayalam lyrics

കണ്ണീരു തോരാതെ
ഒന്നു മയങ്ങാതെ
കാണുവാനീ ഞാൻ
കാത്തിരിക്കുന്നു കളിത്തോഴാ
ഒരുമൊഴി പാടാറില്ല
ചതുരംഗമാടാൻ നീയില്ല
ഉരുകുന്ന ജീവനെ തേടി
തളരുന്നു മാനസം നീറി
(കണ്ണീരു)
എവിടേയ്ക്കു പോയിരുന്നാലും
എങ്ങെങ്ങു നീയിരുന്നാലും
നിന്നുടെ കാലൊച്ച കേൾക്കാൻ
എന്നാത്മ നാളം തുടിപ്പൂ
(കണ്ണീരു)

Song details

വർഷം: 1967

സംഗീതം: വി ദക്ഷിണാമൂർത്തി

ഗാനരചന: പാപ്പനംകോട് ലക്ഷ്മണൻ

ഗായകർ: കൊച്ചിൻ അമ്മിണി

വിശദവിവരങ്ങൾ: ദേവിപിള്ള

Album: ഇന്ദുലേഖ