Malayalam lyrics

അഞ്ജനക്കണ്ണെഴുതി ആലിലത്താലി ചാര്‍ത്തി
അറപ്പുരവാതിലില്‍ ഞാന്‍ കാത്തിരുന്നു
മണവാളനെത്തും നേരം കുടുമയില്‍ ചൂടാനൊരു
കുടമുല്ലമലർമാല കോര്‍ത്തിരുന്നു (അഞ്ജന..)
മുടിമേലെ കെട്ടിവെച്ചു തുളുനാടന്‍ പട്ടുടുത്തു
മുക്കൂറ്റിച്ചാന്തും തൊട്ടൂ ഞാനിരുന്നു
കന്നിവയല്‍വരമ്പത്ത് കാലൊച്ച കേട്ടനേരം
കല്യാണമണിദീപം കൊളുത്തിവെച്ചു (അഞ്ജന..)
തൂശനില മുറിച്ചുവച്ചു തുമ്പപ്പൂ ചോറുവിളമ്പി
ആശിച്ച കറിയെല്ലാം നിരത്തിവെച്ചു
പുള്ളുകളുറങ്ങീട്ടും പൂങ്കോഴി കരഞ്ഞിട്ടും
കള്ളനവന്‍ വന്നില്ല തോഴിമാരെ (അഞ്ജന..)

Song video

Watch on YouTube

Song details

വർഷം: 1964

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: എസ് ജാനകി, കോറസ്

വർഗ്ഗീകരണം: പ്രേമഗാനങ്ങൾ

വരികൾ: അജയ് മേനോൻ, ജയശ്രീ

Album: തച്ചോളി ഒതേനൻ