Malayalam lyrics

യമുനാനദിയായൊഴുകും
പ്രേമകവിതാരസമണിയാം
മഴവില്ലിതളായ്
വിടരാം
സ്വപ്‌നമിളകും മലർവനിയിൽ
ഹേമാരവിന്ദങ്ങളോളങ്ങളിൽ
നീരാടി
നീന്തുന്നൊരീ സന്ധ്യയിൽ
മധുരമായ് പടരുമീ തെന്നലിൽ
(യമുനാനദിയായ്)
അകലെയായ് വരിശകൾ പാടും
കിളിയുമെൻ
ശ്രുതിയിലുണർന്നു
അരികെ നിൻ മോഹമരന്ദം
നുകരുവാൻ
സ്വർഗ്ഗമൊരുങ്ങി
മൂവന്തി മീട്ടുന്ന സ്വരലയലഹരിയിൽ
അത്രമേൽ
ആലോലയായ്
ആലോലമാടുന്ന നന്ദനവനികയിൽ
അത്രമേൽ അനുരാഗിയായ്
സഖിയെൻ
ഹൃദയം നിറയാൻ
ഇനിയീ കുടിലിൽ വരുമോ
(യമുനാനദിയായ്)
ഗോപുരം
നെയ്‌ത്തിരി നീട്ടി
ഓർമ്മകൾ തംബുരു മീട്ടി
കുഴലുകൾ കീർത്തനമേകി
തവിലുകൾ താളമണിഞ്ഞു
പൂത്താലിയേന്തുന്ന കൈകളിൽ
ഇനിയുമൊരാലസ്യമെന്തേ
സഖീ
പുതുമോടിയുണരും കുവലയമിഴികളിൽ
ഉന്മാദമേന്തേ സഖീ
ഹൃദയം കവിയും
കനവിൽ
മദമോ മധുവോ പറയൂ
(യമുനാനദിയായ്)

Song information

Music: രവീന്ദ്രൻ

Lyricist: കൈതപ്രം

Singer: കെ ജെ യേശുദാസ്

Film/album: ഗാനമേള

Explore this song