Malayalam lyrics

പൊന്നു വിളയുന്ന വയനാട്  ഇത്
കണ്ണവം കാട്ടിലെ പൂമേട്
മാനും മയിലും കറുത്ത മനുഷ്യനും
മാനത്തിൻ കുടക്കീഴേ വാഴും കാട്
സൂര്യപ്പെരുമാള് മാനത്തുദിച്ചാലും
കൂരിരുൾ മാറാത്ത കാട്
ഇറ്റു വെളിച്ചത്തിൻ പൊട്ടു പോലെ
ഇത്തിരിപ്പോന്നൊരു മുത്തു പോലെ
ഏറെക്കറുത്തൊരുടലിന്നുള്ളിൽ
ഏറെ വെളുത്ത മനസ്സുമായി
ഇവിടെയും മർത്ത്യൻ പിറന്നു വീണു
ഇവിടെയും ജീവിതം പൂത്തു നിന്നൂ
ചിരിയും കരച്ചിലും സ്വപ്നങ്ങളും
അരിയ മോഹങ്ങളും ചാർത്തി നിന്നൂ
ഇവിടെയീ പച്ച പുതച്ച കാട്ടിൽ
ഇവിടെയീ കണ്ണവം കാട്ടിനുള്ളിൽ
ഇവിടെയിവിടെയീ കാട്ടിനുള്ളിൽ
----------------------------------------------------

Song information

Music: കെ പി എൻ പിള്ള

Lyricist: ഒ എൻ വി കുറുപ്പ്

Singer: കെ ജെ യേശുദാസ്

Film/album: ഉയരും ഞാൻ നാടാകെ

Explore this song