Malayalam lyrics
തൊട്ടിലില്‍ തുടങ്ങിടും താരാട്ട് നമ്മെ നിത്യവും തുടര്‍ന്നിടും ഒരു പാട്ട് (2) ഏതൊരു നൊമ്പരം നിന്‍ മനസ്സിലിരിക്കിലും ഇറക്കിവെച്ചിടാം അതു കേട്ട് (2) (തൊട്ടിലില്‍ തുടങ്ങിടും താരാട്ട് ) നാദങ്ങളില്ലെങ്കില്‍ പ്രാണനുണ്ടോ ദിനം.. ഉണര്‍ത്താനും ഉറക്കാനും സ്വരധാരയല്ലോ (2) പാലൂട്ടും മാതാവിന്‍ ഹൃദയത്തിന്‍ ശബ്ദം കുഞ്ഞിന്‍ കർണ്ണത്തില്‍ അതു നല്‍കും സ്നേഹത്തിന്‍ മുത്തം.. കളിയാടും കാലത്തിന്‍ ചിലമ്പേകും സ്വരങ്ങള്‍ അതിലതിഗൂഢമുരുവാകുമായിരം നിറങ്ങള്‍ (തൊട്ടിലില്‍ തുടങ്ങിടും താരാട്ട് ) കരതോറും ജലമേറി ജതി പാടി പുല്‍കും മണ്ണില്‍ തവളതന്‍ രാഗത്താല്‍ മഴമേഘം പെയ്യും തേന്‍ തേടും വണ്ടിന്റെ അധരത്തില്‍ വേണു വീശും കാറ്റിന്നും മരമാടാന്‍ ഏതോ സ്വരങ്ങള്‍ എപ്പോഴും കരളില്‍ ആ മണിനാദചലനം ശ്രീലയമേ എന്‍ കണ്മുന്നില്‍ എഴുന്നള്ളിവരണം (തൊട്ടിലില്‍ തുടങ്ങിടും താരാട്ട് )
Song video
Song information
Music: എം എസ് വിശ്വനാഥൻ
Lyricist: പൂവച്ചൽ ഖാദർ
Singer: വാണി ജയറാം
Film/album: അറിയാത്ത ബന്ധം
Explore this song
- Singer: വാണി ജയറാം
- Film / album: അറിയാത്ത ബന്ധം
- Composer: എം എസ് വിശ്വനാഥൻ
- Lyricist: പൂവച്ചൽ ഖാദർ