Malayalam lyrics

ഇതാണു കയ്യൂർ കയ്യൂർ
ഇരുട്ടിനെതിരെ ഇന്ത്യയുയർത്തിയ
കെടാത്ത സൂര്യജ്ജ്വാല
ഇതാണു കയ്യൂർ കൈയൂർ
കറുത്ത കൈകളിലരിവാളുകളുടെ
കരുത്തുണർന്നൊരു പുലർ വേള
ഒരു കുഗ്രാമം പോറ്റി വളർത്തിയ
ചെറിയ മനുഷ്യരിൽ നിന്നും
ഒരു തീപ്പൊരിയായ് തീനാമ്പുകളായ്
പടർന്നതാണീ ജ്വാല (ഇതാണു...)
പിടഞ്ഞു ജീവൻ വെടിയുമ്പോഴും
അവരുടെ ചുണ്ടിലെ മന്ത്രം
പടർന്നു കയറുകയാണത് യുഗയുഗ
സമരപഥങ്ങളിൽ വീണ്ടും
രക്തം പുരണ്ട ബലിപീഠങ്ങളിൽ
നിന്നുമുണർന്നൊരു ഗാഥ വീരഗാഥ
ഉച്ചശ്രുതിയിൽ ഭാരതമൊന്നാ
യേറ്റു പാടിയ ഗാഥ മോചനഗാഥ (ഇതാണു..)
------------------------------------------------------------------------

Song information

Music: എം ബി ശ്രീനിവാസൻ

Lyricist: ഒ എൻ വി കുറുപ്പ്

Film/album: മീനമാസത്തിലെ സൂര്യൻ

Explore this song