Swapnam Tharunnathum / സ്വപ്നം തരുന്നതും

Malayalam lyrics

സ്വപ്നം തരുന്നതും നീ
ദുഃഖം തരുന്നതും നീ
നിൻ ദാനപുഷ്പങ്ങൾ കയ്യേറ്റു വാങ്ങും
പൊൻ പൂത്തളികകൾ ഹൃദയങ്ങൾ
പാടുന്ന മാനവഹൃദയങ്ങൾ
(സ്വപ്നം..)
നിന്റെ മന്ദിരമുറ്റത്ത് ഞങ്ങൾ തൻ
പിഞ്ചിളം പാദങ്ങളാടുന്നു
പിച്ചനടക്കുന്ന ഞങ്ങളെ നോക്കി നിൻ
മുത്തുവിളക്കുകൾ ചിരിക്കുന്നു
ആ വിളക്കുകളെന്നും തിളങ്ങട്ടെ
ആ നാമമെന്നെന്നും മുഴങ്ങട്ടെ
(സ്വപ്നം...)
നിന്റെ നാടകവേദിയിൽ താളത്തിൽ
നിൻ കൂത്തുബൊമ്മകളാടുന്നു
ചായം പുരട്ടുന്ന ഞങ്ങളെ നോക്കി നിൻ
ജാലത്തിരശ്ശീലയിളകുന്നു
ആ സ്വർഗ്ഗയവനികയുയരട്ടെ
ആ നാമമെന്നും മുഴങ്ങട്ടെ
(സ്വപ്നം..)