Malayalam lyrics

സൗന്ദര്യസാരമോ നീ
സൗഭാഗ്യതാരമോ നീ
നിഴലുകൾ നീളുമീ താഴ്വരയിൽ
മനമുണരാൻ പൂങ്കുയിലേ പാടിടുമോ
സൗന്ദര്യസാരമോ നീ
സൗഭാഗ്യതാരമോ നീ
എന്നുടെ മോഹമാം പൊൻതോണി നാളെ
ദുഃഖത്തിരയിൽ തകർന്നിടുമോ
വർണ്ണങ്ങൾ ചാലിച്ചു പൊട്ടുകുത്തും മാനം
കൊള്ളിമീൻ കണ്ട് നടുങ്ങിടുമോ
അഴകേ എന്നഭിലാഷം നീ
എന്റെ പ്രേമഗാനാമൃതം
വാടാതെ കൊഴിയാതെ
ചാഞ്ചാടിയാടുന്ന തേൻമലരേ
ഒരു കുലയിലെ ഇരുമലരുകൾ
തുടിയ്ക്കും മനസ്സുമായ്
സൗന്ദര്യസാരമോ നീ
സൗഭാഗ്യതാരമോ നീ
ഇന്നെന്റെ രാവും നുകരുന്ന മാനസം
നാളെയെൻ പാട്ടിൽ അലിഞ്ഞിടുമോ
വെള്ളിപ്പുടവയണിഞ്ഞൊരീ മേദിനീ
കാളിമ കൂടി കരഞ്ഞിടുമോ
കവിതേ നിൻ കൺകോണിൽ ഞാൻ
എന്റെ മോഹദീപം കണ്ടു
പിണങ്ങാതെ അകലാതെ
സാനന്ദം കളിയാടും തേൻകുരുവീ
ഒരു മരക്കൊമ്പിൽ ഇരുകുരുവികൾ
മദിക്കും മനസ്സുമായ്
സൗന്ദര്യസാരമോ നീ
സൗഭാഗ്യതാരമോ നീ
നിഴലുകൾ നീളുമീ താഴ്വരയിൽ
മനമുണരാൻ പൂങ്കുയിലേ പാടിടുമോ
സൗന്ദര്യസാരമോ നീ
സൗഭാഗ്യതാരമോ നീ

Song video

Watch on YouTube

Song details

Music: രവീന്ദ്രൻ

Film/album: ഒന്നും ഒന്നും പതിനൊന്ന്