Malayalam lyrics

ശ്രീപാദം രാഗാര്‍ദ്രമായ് അനുപദമാടും നടനം
ഞാനോ ആപാദം ശതതന്ത്രി മൂളും
ശ്രീവരാംഗവിലോല വല്ലകിയായ് മാറി
(ശ്രീപാദം)
നവരാഗസ്വരലയപല്ലവിയായെന്‍
കനകാഭിലാഷം കണിപ്പീലി നീര്‍ത്തും പുലരിയില്‍
നവരാഗസ്വരലയപല്ലവിയായെന്‍
കനകാഭിലാഷം കണിപ്പീലി നീര്‍ത്തുമ്പോള്‍
കരമലരിണകളിലുണരുമൊരതിമൃദുവാം
മുദ്രാമുകുളങ്ങളേ നാമിനി ധന്യരായ്
ഹൃദയാങ്കണം മലയജപവനനിലലിയു-
മൊരണിമലരിതളണിക്കുമ്പിളായ്
സുഗമസംഗീതമാം അമൃതബിന്ദുക്കളേ
പ്രണവമണിയായ് നിരതനിധിയായ്
പ്രകൃതിയുണരാന്‍ അരുളിടവേ
(ശ്രീപാദം)

Song details

വർഷം: 1993

സംഗീതം: എം ജി രാധാകൃഷ്ണൻ

ഗാനരചന: ഗിരീഷ് പുത്തഞ്ചേരി

ഗായകർ: കെ എസ് ചിത്ര

രാഗം: രാഗമാലിക (ആരഭി, ആനന്ദഭൈരവി)

വിശദവിവരങ്ങൾ: വിപിൻ നായർ

വിഡിയോ: കല്യാണി

Album: ദേവാസുരം

ഗായകർ: എം ജി ശ്രീകുമാർ