പൂവായ പൂ ഇന്നു ചൂടി -F

Malayalam lyrics

പൂവായ പൂ ഇന്നു ചൂടി വന്നല്ലോ
തേനായ തേൻ ഇന്നു തൂകി വന്നല്ലൊ
പൊൻ കിനാവുകൾ ഒന്നായോടി വന്നല്ലോ
പൊന്നണിഞ്ഞ തേരൊന്നിലേറി വന്നല്ലോ 
(പൂവായ പൂ ...)
കണ്ടു മുട്ടിയൊരു നാളു തൊട്ടു നമ്മൾ
രണ്ടു പേർ പോറ്റും മോഹം
ഈ ദിനത്തിലതു കാട്ടു ചോല പോലെ
പാട്ടു പാടിയൊഴുകുന്നു
കനവിലോ നിന്റെ രൂപം
നിനവിലോ നിന്റെ നാദം
ഒരു ശ്രുതിയായ് ഒരു ലയമായ്
അനുദിനമരികിലായ് സീമന്തിനി
നിറമായ് സ്വരമായ് മുന്നിൽ നീയാടി വാ 

(പൂവായ പൂ ...)
കണ്ണു കണ്ണിലൊരു കഥ പറഞ്ഞു
നമ്മൾ നീല രാവിൽ തീർത്ത ദാഹം
ആ കതിർമണികൾ താളമിട്ടരികിൽ
മേളമോടു കളിക്കുന്നു
പ്രിയസഖീ നിന്റെ ഗീതം
പ്രിയ തരം നിന്റെ ഹാസം
ഒരു നിധിയായ് നിധി വരമായ്
ധനുമാസക്കുളിരുമായ് ഏകാകീ
വധുവായ് മധുവായ് മുന്നിൽ നീയോടിവാ 

(പൂവായ പൂ ...)

Song video

Watch on YouTube