ഓടക്കുഴലേ ഓടക്കുഴലേ ഓമനത്താമര

Malayalam lyrics

ഓടക്കുഴലേ ഓടക്കുഴലേ
ഓമനത്താമരക്കണ്ണന്റെ ചുംബന
പൂമധു നുകർന്നവളേ
രാഗിണി നീ അനുരാഗിണി മറ്റൊരു
രാധയോ രുഗ്മിണിയോ
എത്ര മധുമയ ചുംബനപുഷ്പങ്ങൾ
ചാർത്തിച്ചു നിന്നെ കണ്ണൻ
ആനന്ദഭൈരവീരാഗനിലാവായ്
നിന്നാത്മാവിൽ അലിഞ്ഞൊഴുകി
നിന്റെയാത്മാവിലലിഞ്ഞൊഴുകി
(ഓടക്കുഴലേ....)
കണ്ണന്റെ കൈയ്യിലെ പുല്ലാങ്കുഴലേ
നീ പുണ്യവതിയല്ലോ
മോഹനരാഗസുധാരസത്തിനായ് നീ
ദാഹിച്ചു നിൽക്കയല്ലോ
(ഓടക്കുഴലേ...)
പൊന്നംഗുലികളാൽ നിൻ കണ്ണുപൊത്തുമ്പോൾ
നിന്നെ തഴുകിടുമ്പോൾ
നീലാംബരീ രാഗ നീഹാരശീകര
മാലകൾ നീയണിവൂ
മണിമാലകൾ നീയണിവൂ
(ഓടക്കുഴലേ...)

Song video

Watch on YouTube