ഒന്നാകും അരുമലക്ക്

Malayalam lyrics

ഒന്നാകും അരുമലക്ക്
ഓരായിരം പൊൻപീലി
പീലി തെറുക്കണം മാല കൊരുക്കണം
മാലയ്ക്ക് മറുമാല താലിമാല
ആരു തരും താലിമാല
പൂക്കാലം വന്നു കുളിക്കാനിറങ്ങിയ
പൂന്തേൻ പുഴക്കടവിൽ
തനിച്ചു നിൽക്കും ജലകന്യകേ നിന്റെ
മനസ്സിളക്കാൻ ഞാൻ വന്നൂ
കാറ്റേറ്റും നല്ല കദളീവനത്തിലെ
നാല്പാമരത്തണലിൽ
തപസ്സിരിക്കും വനകന്യകേ നിന്റെ
തപസ്സിളക്കാൻ ഞാൻ വന്നൂ
തപസ്സിളക്കീട്ടെന്തു കിട്ടും
താരുണ്യത്തിൻ മുത്തു കിട്ടും
മുത്തു കിട്ടീട്ടെന്തു ചെയ്യും
മുദ്രമോതിരം തീർപ്പിക്കും
മോതിരം തീർത്തിട്ടെന്തു ചെയ്യും
മോഹിച്ച പെണ്ണിന്റെ വിരലിലിടും
മോഹിച്ച പെണ്ണിനെന്തു നൽകും
ചോദിച്ചതൊക്കെയുമവൾക്ക് നൽകും