Malayalam lyrics

ലജ്ജകൾ പൂക്കും കവിളിണയിൽ
ഒരുപുഷ്പവനം ഞാൻ കണ്ടു
മുത്തുകൾ വിളയും നിൻ കരളിൽ
ഒരു രത്നഖനി ഞാൻ കണ്ടു
(ലജ്ജകൾ..)
നീയറിയാതെ വിടർന്നൊരു പൂവിൻ
നറുമണം എന്നെ മയക്കീ
നീയറിയാതെ വളർന്നൊരു മോഹം
നിദ്രയിൽ എന്നെയുണർത്തി
(ലജ്ജകൾ..)
ആ..ആ.ആ..ആ.ആ..
വിരലുകൾ തൊട്ടാൽ താനേ മുറുകും
വികാരവല്ലകിയിൽ
ഒരു ഗീതകമായ് ഒളിച്ചിരിപ്പൂ
ഒരു ലയമാകാൻ നമ്മൾ
(ലജ്ജകൾ..)

Song details

Music: എം ജി രാധാകൃഷ്ണൻ

Film/album: ലളിതഗാനങ്ങൾ