കളിക്കളം ഇതു കളിക്കളം

Malayalam lyrics

കളിക്കളം ഇതു കളിക്കളം
പടക്കളം ഒരു പടക്കളം
പോരാട്ടമാരംഭമായ് പടനിലങ്ങളീലാകെയും
പടഹ കാഹള ഭേരികൾ
പരിചയും കവചങ്ങളും
പൊരുതുവാൻ കരവാളുമായ്
ഇറങ്ങുവിൻ തുടങ്ങുവിൻ സന്നാഹം
കൊതിച്ചതോ ഒരു കളിക്കളം
വിധിച്ചതോ ഈ പടക്കളം
കളിക്കളം ഇതു കളിക്കളം
പടക്കളം ഒരു പടക്കളം
നന്മതിന്മകൾ തങ്ങളിൽ ജന്മ സമര മുഖങ്ങളിൽ
കണ്ടു പൊരുതുമീതേ വിധം
പണ്ടു മുതലിതു സാഹസം
കടിഞ്ഞാണില്ലാത്ത കുതിരകളെ പോലെ
ഉടയോനില്ലാത്ത കളരികളിൽ (2)
പോരാടുന്നു വെറി നീരോടെന്നുമിരു
പേരും തോൽവിയറിയാതെ
ഇന്നും പോരു തുടരുന്നു തമ്മിലിവർ
തെല്ലും വാശി കളയാതെ (കളിക്കളം..)