Keralamaanengalude (Kurathippattu) / കേരളമാണെങ്ങളുടെ (കുറത്തിപ്പാട്ട്)

Malayalam lyrics

കേരളമാ ഞങ്ങളുടെ കേളിപെരും നാട്
നാളുതോറും നന്മതരും ഞങ്ങളുടെ നാട്
മനസ്സിലുള്ളൊരു രഹസിയങ്ങളു
മറച്ചിടാതെ ചൊല്ലാം
മഹിമയോടെ പച്ചകുത്തും
കുറവര്‍ ഞങ്ങളെല്ലാം കുറവര്‍ ഞങ്ങളെല്ലാം
തിന്തിമിത്തോം പാടിവരും
ചെങ്കുറത്തി പെണ്‍കൊടിയേ
ചന്തമുള്ള കൈകള്‍ നോക്കി
പച്ചകുത്താന്‍ വായെടിയേ
പച്ചകുത്തിടാം കഥപറഞ്ഞിടാം
കൈവരകള്‍ നോക്കി
ഫലമറിയുവാന്‍ കൊതിയുള്ളോരേ
നലമൊടെന്നേ നോക്കിന്‍
ചിന്തുപാടി കണ്ണിറുക്കി
ചാരത്തുചെന്നു നിന്നേ
എന്തെല്ലാം പച്ചകുത്താം
എന്നു നീ ചൊല്ലുപെണ്ണേ
അസുരപ്പച്ചയുണ്ടമരപ്പച്ചയുണ്ട-
ഞ്ചുവര്‍ണ്ണത്താലെ
നല്ല കൊഞ്ചും കിളി പോലെ
ആനതേരാളി പാമ്പ് പല്ലിയും
ആളുകണ്ടതു പോലെ
ആര്‍ക്കും ആശയുള്ളതു പോലെ
പന്നകത്തിന്‍ പച്ചയൊന്നു
കുത്തിടേണം പയ്യെയിന്ന്
തന്നാട്ടേ തമ്പുരാന്റെ
ഭാഗ്യമുള്ള കയ്യിതൊന്ന്
മങ്കമാരുടെ മനം കവരും നീ
മനസ്സിലൊന്നു നിനച്ചാല്‍
മായുകില്ലിതു മറയുകില്ലിതു
മലയാളപ്പച്ച ഇതു
മഹിമയുള്ളതല്ലോ