Malayalam lyrics

ചുംബിക്കാനൊരു ശലഭമുണ്ടെങ്കിലേ
യൌവ്വനം സുരഭിലമാകൂ പൂവിന്
യൌവ്വനം സുരഭിലമാകൂ
സ്നേഹിക്കാനൊരു പുരുഷനുണ്ടെങ്കിലേ
സ്ത്രീ ദേവതയാകൂ...
ഗാനഗന്ധര്‍വന്‍ കണ്ടെത്തിയാലേ
മൌനം നാദമാകൂ
വെള്ളിനൂല്‍ത്തിരിയിട്ടു കൊളുത്തിയാലേ
വെളിച്ചം വിളക്കില്‍ വിടരൂ
ചുംബിക്കാനൊരു....
ശില്‍പ്പിമിനുക്കിയ ചുവരുണ്ടെങ്കിലേ
സ്വപ്നം ചിത്രമാകൂ -ദിവാ
സ്വപ്നം ചിത്രമാകൂ
ആലിംഗനങ്ങളില്‍ ഉറങ്ങിയാലേ
ആത്മനിര്‍വൃതിയിലുണരൂ
ചുംബിക്കാനൊരു....

Song details

വർഷം: 1970

സംഗീതം: എം എസ്‌ ബാബുരാജ്‌

ഗാനരചന: വയലാർ രാമവർമ്മ

ഗായകർ: എസ് ജാനകി

വരികൾ: ജിജാ സുബ്രമണ്യൻ, ശ്രീദേവി

Album: വിവാഹം സ്വർഗ്ഗത്തിൽ