Aakaasham Uyare Paaripparanna / ആകാശം ഉയരെ പാറിപ്പറന്ന

Malayalam lyrics

ആകാശം ഉയരെ പാറിപ്പറന്ന വർണ്ണ സ്വപ്നങ്ങളേ
കൂടുകൂട്ടുവാൻ പോരുമോ ഞങ്ങൾ പണിയുമീ പന്തലിൽ
ഒത്തു ചേരുന്ന വേളയിൽ നൃത്തമാടുന്ന ചുവടുമായ്
വിസ്മയം പോൽ വിടർന്ന പൂക്കൾ തൻ നിറമണിഞ്ഞാടുവാൻ
ആകാശം ഉയരെ പാറിപ്പറന്ന വർണ്ണ സ്വപ്നങ്ങളേ
കൂടുകൂട്ടുവാൻ പോരുമോ ഞങ്ങൾ പണിയുമീ പന്തലിൽ
ഒത്തു ചേർന്നൊരുങ്ങി നമ്മൾ ഇത്തിരി കളിക്കളത്തിൽ
ഒത്തിരിക്കിനാവുകൾ പൂത്ത വേളകൾ
ആയിരം വിളക്ക് മിന്നി താരകത്തിളക്കമായി
വാനവും വിരുന്നൊരുക്കി ഉല്ലാസം
പുതിയ കാലമേ പുതിയ ലോകമേ
പുതുവസന്തമായ് നിറമണിഞ്ഞു വാ
ഓ.... ഓ...
ആകാശം ഉയരെ പാറിപ്പറന്ന വർണ്ണ സ്വപ്നങ്ങളേ
കൂടുകൂട്ടുവാൻ പോരുമോ ഞങ്ങൾ പണിയുമീ പന്തലിൽ
സൗഹൃദം പകുത്തു നമ്മൾ സങ്കടം മറന്ന നേരം
അതിരുകൾ കടന്നു പോയ് സഞ്ചാരം
താരകങ്ങൾ പുഞ്ചിരിച്ചു രാവുകൾ രസം നുകർന്നു
സ്വപ്നലോകമേ തുറക്കൂ സ്വർഗ്ഗജാലകം
പുതിയ കാലമേ പുതിയ ലോകമേ
പുതുവസന്തമായ് നിറമണിഞ്ഞു വാ
ഓ.... ഓ...

Song video

Watch on YouTube