Malayalam lyrics

സപ്തസ്വരമണ്ഡലമേറി സംഗീതപ്പൂമഴ തൂവി
അനുരാഗം നിന്നഴകിൽ മോഹപരാഗം പകരുമ്പോൾ
മഴവില്ലിനു നൂറു നിറങ്ങൾ നിറമെയ്യിൽ നൂറു വസന്തം
മനതാരിലാകെയൊരുന്മാദം
(സപ്തസ്വര...)
നിന്നോമൽ ചെഞ്ചൊടിയിൽ കണ്ടൂ
പൊന്നരളിപ്പൂമൊട്ടിൻ നാണം (2)
ശീലാന്തിക്കൊമ്പത്തേതോ കിളിപാടും കുമ്മിപ്പാട്ടായ്
നിന്റെ മൗനം മായുന്ന നേരം
മോഹന സന്ധ്യാമന്ത്രങ്ങളിൽ
ആനന്ദത്തേൻ മൊഴിയുണരുകയായ്
(സപ്തസ്വര...)

കാമനകൾ കൊഞ്ചി വരും നേരം
നിൻ മിഴിയിൽ ഞാനുണരും നേരം (2)
ശൃംഗാരചന്തമൊരുങ്ങും പതിനേഴിൻ പരുവക്കാറ്റിൽ
താലവൃന്ദം വിരിയുന്ന നീരിൽ
മാദകമോലുന്ന ജലകേളിയിൽ
പ്രണയമണിച്ചെപ്പുകിലുങ്ങുകയായ്
(സപ്തസ്വര...)

Song information

Music: പെരുമ്പാവൂർ ജി രവീന്ദ്രനാഥ്

Lyricist: കൈതപ്രം

Singer: എം ജി ശ്രീകുമാർകെ എസ് ചിത്ര

Film/album: അയലത്തെ അദ്ദേഹം

Explore this song