Malayalam lyrics

"സുഖരാത്രിയൊടുങ്ങുകയായീ
എവിടേ നീയെന്നറിവീലാ"
പ്രിയഗായകാ, നീ പാടുകയാണെന്‍
ഉയിരില്‍ സുഖനൊമ്പരമായ്-എന്‍
ഉയിരില്‍ സുഖനൊമ്പരമായ്

(സുഖരാത്രിയൊടുങ്ങുകയായീ.........)

സ്നേഹാകുലമെന്‍ ജീവനില്‍ നിന്നൊരു
പ്രാവു പിടഞ്ഞുണരും പോല്‍ -നിന്‍
വിഷാദമധുര സ്വരമുയരുന്നെന്‍
വിജനകുടീരം തന്നില്‍
കരളില്‍ തിരുമുറിവാര്‍ന്നവര്‍ ഞങ്ങള്‍ -
ക്കരികില്‍ നീയുണ്ടെന്നും-സ്വാന്തന
മധുരം നീയേ പകരുന്നൂ

(സുഖരാത്രിയൊടുങ്ങുകയായീ.........)

മേഘാവൃതമാം വാനിന്‍ ചരിവിലെ
ഏകതാരകമായ് നീ
ദുനിയാവിന്‍ പ്രിയരക്ഷകനോട്
ഈ കദനത്തിന്‍ കഥ പറയൂ
ദയതന്നുറവകള്‍ വറ്റിയൊരുലകിന്‍
ഹൃദയം നീയറിയുന്നൂ-ഞങ്ങളില്‍
അമൃതം നീയേ പകരുന്നൂ

(സുഖരാത്രിയൊടുങ്ങുകയായീ.........)

Song information

Music: ഉമ്പായി

Lyricist: ഒ എൻ വി കുറുപ്പ്

Singer: ഉമ്പായി

Film/album: നന്ദി പ്രിയസഖീ നന്ദി

Explore this song