Malayalam lyrics

മറ്റാരുമറിയാതെ ... 

മറ്റാരുമറിയാതെ ഞാനൊരു പൂവിന്റെ 

മൌനത്തിനുള്ളിൽ ഒളിച്ചിരുന്നു (2)

നിമിഷത്തിനിതളുകൾ കൊഴിയവേ അതിൽ നിന്നും

“മറമെഴും” ശലഭമായ് പറന്നുയർന്നു.. 

ഒരു മണിശലഭമായ് പറന്നുയർന്നു

(മറ്റാരുമറിയാതെ ... )

കത്തുന്ന സൂര്യന്റെ ആണ്ടവിളക്കിന്റെ

 ചുറ്റും പറക്കുന്ന ലോകം

ആരെയോ ധ്യാനിച്ചു നിൽക്കുന്നിതോർമ്മതൻ

കാലാന്തരങ്ങളിൽ മൂകം

കണ്ണീരുണങ്ങാത്ത മിഴികളിൽ നിദ്രതൻ

മുറിവായ് നീറുന്ന സ്വപ്നം (2)

(മറ്റാരുമറിയാതെ ... )

വിരസമാം രാത്രിയിൽ

പ്രണയത്തെ വാഴ്ത്തുന്ന 

ഗസലുകളൂർന്നിറങ്ങുമ്പോൾ (2)

ഒരു ചില്ലുപാത്രത്തിൽ ചുണ്ടോടക്കുന്ന

ലഹരിയായ് തീരുന്നു ഞാനും

മഴ നനഞ്ഞേകയായ് മൌനത്തിൻ 

തെരുവിലൂടലസമായ് പോകുവാൻ മോഹം

(മറ്റാരുമറിയാതെ ... )

Song information

Music: ഷഹബാസ് അമൻ

Lyricist: സുധ രാധിക

Singer: ഹരിത ഹരീഷ്

Film/album: പക്ഷികൾക്ക് പറയാനുള്ളത്

Explore this song