Malayalam lyrics

മിഴികളിൽ തെളിയുമോ ഇരവിലരിയ ദീപമേ

സ്മൃതികളിൽ നിറയുമോ നിന്നമരവചന വീചികൾ

ഏതു പൂവനത്തിൽ അന്നു പോയൊളിച്ചുവോ നീ

ഏതു വർണ്ണരാജിയിൽ നീയലിഞ്ഞിപോയി

ഏതു സ്വർഗ്ഗലോകം അന്നു തേടിയങ്ങുപോയ്...

( മിഴികളിൽ ...)

നീ വനഭൂവിൽ ഒരു കുഞ്ഞുപൂവു പോൽ

ഈ മരുഭൂവിൽ ഒരു മഞ്ഞുതുള്ളിയായ്

വരികിലോ ഇന്നരികിലായ്

പ്രിയതേ തരുമെൻ സ്നേഹസാന്ത്വനാ‍മൃതം

( മിഴികളിൽ ...)  

പാഴ്നിലമാകെ നിൻ പവിഴമല്ലികൾ

മുൾമരമാകെ നിൻ സ്നേഹവല്ലികൾ

പൂവിടും ഇന്നിരവിലായ് 

പ്രിയതേ വരമായ് തരിക നിൻ നിലസ്മിതം

( മിഴികളിൽ ...)

Song information

Music: ജാസി ഗിഫ്റ്റ്

Lyricist: പത്മേന്ദ്ര പ്രസാദ്

Singer: പി ജയചന്ദ്രൻരാജശ്രി പ്രവീൺ

Film/album: ഇവിടെ ഈ നഗരത്തിൽ

Explore this song