Malayalam lyrics

മാരിവിൽ കുട നീർത്തും

മാനസം തണലാക്കീ 

കളിചിരിയും കഥകളുമായി

കുസൃതികൾതൻ മധുരവുമായി

ഒരമ്മക്കിളിയും രണ്ടോമൽക്കുരുന്നും

മാരിവിൽ കുട നീർത്തും

മാനസം തണലാക്കീ

കണ്ടു കണ്ടിനിയും മതിയായില്ലിവരെ

പൊന്നിൻ കിരണമാം തിലകം തൊട്ടുംകൊണ്ടേ

ചിരികളുടെ മാത്രം ചിറകടിയുമായി

കൊഞ്ചൽമഴ തൂവും ഓമനകളെ

എൻ നെഞ്ചിൻ തുടിപ്പിൽ തേൻ ചിന്തിപറക്കും

മാരിവിൽ കുട നീർത്തും

മാനസം തണലാക്കീ

മാരി പെയ്തു പെയ്തു വരും

വെയിലും മഞ്ഞും വരും

ചൊല്ലും ആണ്‍കിളി അരികെ വരൂ വരൂ

കാറ്റിലുലയാതെ ചേർന്ന് കഴിയാൻ

സ്നേഹമണി നാരിൽ  കോർത്തു മെനയും

എൻ ചെല്ലക്കൂടല്ലേ ഞാനെന്നും കൂട്ടില്ലേ

മാരിവിൽ കുട നീർത്തും

മാനസം തണലാക്കീ 

കളിചിരിയും കഥകളുമായി

കുസൃതികൾതൻ മധുരവുമായി

ഒരമ്മക്കിളിയും രണ്ടോമൽക്കുരുന്നും

മാരിവിൽ കുട നീർത്തും

മാനസം തണലാക്കീ

Song video

Watch on YouTube

Song information

Music: വിനു തോമസ്

Lyricist: സന്തോഷ് വർമ്മ

Singer: നജിം അർഷാദ്

Film/album: ദൃശ്യം

Explore this song