Malayalam lyrics

മുകിലേ അനാദിയായി
പൊഴിയൂ നിതാന്തമായി
കിനിയും വിഷാദമായി
പടരും വിലാപമായി
ചിരിയായി പ്രശാന്തിയായി
രതിയായിവിരാഗമായി
പലതായി പലതായി
മുകിലേ അനാദിയായി
പൊഴിയൂ നിതാന്തമായി

ഉൾ‌ക്കനലുകളില്‍ വീഴുവതെന്തോ
സ്മൃതിയോ മിഴിനീര്‍ മഴയോ
നീൾവിരലുകളാല്‍ തഴുകുവതാരോ
മൃതിയോ ജനി തന്‍ നനവോ
തുടരൂ ഗാനാലാപം
പറയാമൊഴി തന്‍ ഹാരം
ഒരു മിന്നല്‍ക്കൊടി തെന്നും മിഴി ചിന്നും ചാരെ
പലകാലം അതിനോളം മനമോർ‌ക്കാനായി
മുകിലേ അനാദിയായി
പൊഴിയൂ നിതാന്തമായി

ഈ നഗരത്തിന്‍ വീഥികളേതോ
മഴതന്‍ അഴികള്‍ക്കുള്ളില്‍
രാവൊരു മായാ മരുഭൂമിയിലെ
ഇരുളിന്‍ കാരാകാരം
ചൊരിയൂ ആത്മാലാപം
അറിയാക്കഥതന്‍ സാരം
ചില താരം ഒളിവീശും ചിരി തൂകും ദൂരെ
ചില നേരം തിരിനീട്ടും വഴികാണാനായി
മുകിലേ അനാദിയായി
പൊഴിയൂ നിതാന്തമായി

Song video

Watch on YouTube

Song information

Music: മോഹൻ സിത്താര

Lyricist: റഫീക്ക് അഹമ്മദ്

Singer: മഞ്ജരി

Film/album: റേഡിയോ

Explore this song