Malayalam lyrics

പ്രമദവനിയിൽ വീണ്ടും വരവായ് പ്രണയകാലം
ഹൃദയതമനുവേണ്ടി അണിയാം കളമഞ്ജീരം
താരമ്പന്‍റെ കൈവിരൽമുട്ടി
ഇന്നുതവ മോഹമൃദംഗം നാദം തൂകുമ്പോൾ
ചിത്രമണിമണ്ഡപം തന്നിൽ ഞാനണഞ്ഞു നർത്തനമാടാം
ധും തനനന ധും തനനന ധിന്ന ധിന്ന ആ...

പ്രമദവനിയിൽ വീണ്ടും വരവായ് പ്രണയകാലം
ഹൃദയതമനുവേണ്ടി അണിയാം കളമഞ്ജീരം

കാളിദാസൻ വന്നാൽ നിന്നെ കവിതകളാലെ കളഭം ചാർത്തും
മായാഹാസം പൂക്കുംനേരം കതിരൊളിനീട്ടും ഉദയം തോൽക്കും
ഋതുകാലങ്ങൾ നിന്നിൽ വരവർണ്ണം തേടും
നവരത്നങ്ങൾ നിന്നിൽ നവകാന്തി നേടും

പ്രമദവനിയില്‍ വീണ്ടും വരവായ് പ്രണയകാലം
ഹൃദയതമനുവേണ്ടി അണിയാം കളമഞ്ജീരം

വാണീമാതിൻ വീണാനാദം മധുനദിയായ് നിൻ മൊഴിയിൽ ചേരും
ലീലാലാസ്യം കണ്ടാൽദേവീ സുരസഭപോലും പുളകംചൂടും
ഗന്ധർവ്വന്മാർ നിന്‍റെപദതാരിൽ വീഴും
നക്ഷത്രങ്ങൾ നിന്‍റെമിഴിവാനിൽ വാഴും

പ്രമദവനിയിൽ വീണ്ടും വരവായ് പ്രണയകാലം
ഹൃദയതമനുവേണ്ടി അണിയാം കളമഞ്ജീരം
താരമ്പന്‍റെ കൈവിരൽമുട്ടി
ഇന്നുതവ മോഹമൃദംഗം നാദം തൂകുമ്പോൾ
ചിത്രമണിമണ്ഡപം തന്നിൽ ഞാനണഞ്ഞു നർത്തനമാടാം
ധും തനനന ധും തനനന ധിന്ന ധിന്ന ആ...

Song information

Music: മോഹൻ സിത്താര

Lyricist: യൂസഫലി കേച്ചേരി

Singer: ഹരികൃഷ്ണൻമഞ്ജരി

Film/album: നാദബ്രഹ്മം

Explore this song