Malayalam lyrics

ജ്വാലാമുഖമായ് പടന്നുയർന്ന കൊടുങ്കാറ്റാണീ സ്ത്രീഭാവം

യാഗാശ്വങ്ങൾ കുതറിയുണർന്ന കുളമ്പടിയാണീ തുടിതാളം

ജ്വാലാമുഖമായ് പടന്നുയർന്ന കൊടുങ്കാറ്റാണീ സ്ത്രീഭാവം

യാഗാശ്വങ്ങൾ കുതറിയുണർന്ന കുളമ്പടിയാണീ തുടിതാളം

വാർതെന്നലിൻ താലോലമായ് തഴുകുന്നുവോ മൃദുസാന്ത്വനം

അലിയും മഹാമൗനങ്ങളിൽ ഉയരുന്നുവോ സ്നേഹാരവം

എങ്ങാണോ നിത്യ സ്വാതന്ത്ര്യം എങ്ങാണെൻ മണ്ണിൻ അഭിമാനം

മർദ്ദിതജീവിതരണഭൂമികളിൽ വിജയപതാകകളുയരുകയായ്

ജനനീ ജന്മഭൂമി ജനനീ ജന്മഭൂമി ജനനീ ജന്മഭൂമി ജനനീ ജന്മഭൂമി

നൂറ്റാണ്ടുകളുടെ ചുടുനെടുവീർപ്പായ് തലോടിയെത്തും താരാട്ടിൽ

രക്തകണങ്ങൾ മുലപ്പാലാകും വാത്സല്യമാണീ സ്ത്രീജന്മം

ഉൾക്കുമ്പിളിൽ എരിതീക്കനൽ വാഗ്ദാനമോ ജലരേഖകൾ

ഏകാന്തമീ പദയാത്രയിൽ സഹചാരിയായ് നിഴൽ‌ മാത്രമായ്

കാലത്തിൻ കണ്ണീർക്കനവുകളേ ത്യാഗത്തിൻ കാണാമുറിവുകളേ

നിങ്ങളുണർത്തിയ പുത്തനുഷസ്സിൻ ഹൃദയതരംഗിണി പാടുകയായ്

ജനനീ ജന്മഭൂമി ജനനീ ജന്മഭൂമി ജനനീ ജന്മഭൂമി ജനനീ ജന്മഭൂമി

ജ്വാലാമുഖമായ് പടന്നുയർന്ന കൊടുങ്കാറ്റാണീ സ്ത്രീഭാവം

യാഗാശ്വങ്ങൾ കുതറിയുണർന്ന കുളമ്പടിയാണീ തുടിതാളം

നൂറ്റാണ്ടുകളുടെ ചുടുനെടുവീർപ്പായ് തലോടിയെത്തും താരാട്ടിൽ

രക്തകണങ്ങൾ മുലപ്പാലാകും വാത്സല്യമാണീ സ്ത്രീജന്മം

ജനനീ ജന്മഭൂമി ജനനീ ജന്മഭൂമി

ജനനീ ജന്മഭൂമി ജനനീ ജന്മഭൂമി

ജനനീ ജന്മഭൂമി ജനനീ ജന്മഭൂമി

ജനനീ ജന്മഭൂമി ജനനീ ജന്മഭൂമി

Song information

Music: കൈതപ്രം

Lyricist: കൈതപ്രം

Singer: കെ ജെ യേശുദാസ്

Film/album: അഗ്നിസാക്ഷി

Explore this song