Malayalam lyrics

കളഭം ചാർത്തിയ ശാരദയാമിനി വരവായ്
ശലഭം മൂളിയുണർത്തിയ പൂവിനു കുളിരായ്
മഴവിൽക്കാവടിയാടി മറഞ്ഞൂ മണിമേഘങ്ങൾ
ഒരു പൂപ്പീലിയെടുത്തിനി നീയീ നെറുകിൽ ചാർത്താൻ
തുടിയും കൊട്ടിപ്പാടി പോരാമോ (കളഭം ചാർത്തിയ..)
കുടമൂതും കുഞ്ഞിക്കാറ്റേ താഴേപ്പാടം പൂ ചൂടി
കുട ചൂടും താഴമ്പൂവും താളം കൊട്ടി തന്നാനം
ഇളനീരാടി ഓ...
പനിനീരാടി. ഓ...
കുളിരും ചൂടി
കുതുകം ചൂടീ
ഈ മണ്ണിൻ രോമാഞ്ചം പോലെ നാം പാടീ (കളഭം ചാർത്തിയ..)
നിറമേഴും ചാലിച്ചെത്തീ മേലേക്കാവിൽ പൂക്കാലം
നിലയേഴായ് പന്തൽ കെട്ടീ വേളിക്കാരോ പോരുന്നു
പുഴ തൻ മാറിൽ ഓ..
ഒരു പൊന്നാമ്പൽ ഓ..
അഴകിൽ ചാർത്തീ
ഒരു പൂത്താലീ
ഈ വാഴ്വിൻ രോമാഞ്ചം പോലെ നാം പാടീ (കളഭം ചാർത്തിയ..)
-----------------------------------------------------------------------------------------------

Song information

Music: ദേവ് കൃഷ്ണ

Lyricist: ഒ എൻ വി കുറുപ്പ്

Singer: പി ജയചന്ദ്രൻകെ എസ് ചിത്ര

Film/album: പൈ ബ്രദേഴ്‌സ്

Explore this song