Malayalam lyrics

കന്നിപ്പാടം വിതച്ചതും ഏനാ  

കണ്ണും നട്ടു കാത്തിരുന്നതേനാ

പൊന്നാര്യൻ വിളഞ്ഞപ്പൊ പൊങ്കതിരു തികഞ്ഞപ്പൊ

കൊയ്തെടുത്തു മറഞ്ഞവൻ ഓനാ

പഞ്ചാരവാക്കു ചൊല്ലി പഞ്ചവർണ്ണപ്പൈങ്കിളിയായ്

നെഞ്ചിനുള്ളം നിറച്ചതും ഓളാ

കണിക്കൊന്ന പൂത്തല്ലോ മണിച്ചില്ല പാടുന്നെ

തളിർക്കാന്തി കാണാനായി ചാരെ വന്നു ഞാൻ

പുലർക്കാലമായല്ലൊ പൊടിമഞ്ഞു തൂവുന്നേ

കിനാവിൻ്റെ വാതിൽ ചാരി ദൂരെ നിന്നു ഞാൻ

തെന്നിത്തെന്നി പറക്കുന്ന പരുന്തെ

മിന്നി മിന്നി മറയുന്നതെവിടെ?

സഞ്ചാരം തുടങ്ങിനി നെഞ്ചോരം

കനത്താലുമെന്നോളം വരുമോ നീ പരുന്തേ

കല്ല്യാണക്കുറിയുടെ കണ്ണീരിൻ കലക്കങ്ങൾ

വെണ്ണീരിലെരിഞ്ഞൊടുങ്ങുന്നെ

കന്നിപ്പാടം വിതച്ചതും ഏനാ  

കണ്ണും നട്ടു കാത്തിരുന്നതേനാ

പൊന്നാര്യൻ വിളഞ്ഞപ്പൊ പൊങ്കതിരു തികഞ്ഞപ്പൊ

കൊയ്തെടുത്തു മറഞ്ഞവൻ ഓനാ

പഞ്ചാരവാക്കു ചൊല്ലി പഞ്ചവർണ്ണപ്പൈങ്കിളിയായ്

നെഞ്ചിനുള്ളം നിറച്ചതുമൊളാ

Song information

Music: സാനന്ദ് ജോർജ്ജ്

Lyricist: ഏങ്ങണ്ടിയൂർ ചന്ദ്രശേഖരൻ

Singer: ബിഷോയ് അനിയൻ

Film/album: വിധി

Explore this song