Malayalam lyrics

വാവോ വാവോ വാവേ വം വാവോ

വാവോ വാവാവാവോ വാവേ വം വാവോ

കണ്ണീരിന്റെ കായൽ തന്നിൽ സ്നേഹം മുങ്ങുമ്പോൾ

ഉണ്ണീ നിന്നെ കാണാതെന്റെ പ്രാണൻ വിങ്ങുന്നൂ

പടി വാതിൽ ചാ‍രാതെ മിഴി തോരാതെ മയങ്ങീടാതെ

പിടയുന്നോരെൻ നെഞ്ചുമായ്

തിരയുന്നു ഞാൻ നിന്നെയീ ശൂന്യമാം വഴിയിൽ

കണ്ണീരിന്റെ കായൽ തന്നിൽ സ്നേഹം മുങ്ങുമ്പോൾ

ഉണ്ണീ നിന്നെ കാണാതെന്റെ പ്രാണൻ വിങ്ങുന്നൂ

തിങ്കൾക്കലയായ് എന്നും മടിയിൽ

ഇങ്കിൽ കുതിരും പൊന്നും കുടമേ

വേദനയായ് നീ ഇന്നെൻ മാറിൽ ചായുന്നു

മുള്ളുകൾ കൊള്ളും പോലെ ഉള്ളും നീറുന്നു

രാരീരം പാടാനാവാതെ

നെഞ്ചോരം മുന്നിൽ നീറുന്നൂ

(കണ്ണീരിന്റെ കായൽ )

മിന്നൽ പിണറിൽ പൊള്ളും മനസ്സിൽ

കാണാക്കയവും പേമാരികളും

പെയ്തൊഴിയാതെ വാനം മേലേ കേഴുന്നു

പൂവണിയാതെ മോഹം താഴെ വീഴുന്നു

ആരേയും കാണാനാവാതെ

രാവേ നീ നീളെ വാഴുന്നൂ

(കണ്ണീരിന്റെ കായൽ )

Song information

Music: അൽഫോൺസ് ജോസഫ്

Lyricist: ബീയാർ പ്രസാദ്

Singer: ജ്യോത്സ്ന രാധാകൃഷ്ണൻ ജി വേണുഗോപാൽ

Film/album: ജലോത്സവം

Explore this song