Malayalam lyrics

കണ്ണും കണ്ണും കണ്ടു മുട്ടി
മോഹനമീ കഥ തുടങ്ങി
ഗന്ധർവ്വ ശ്രുതിയലിഞ്ഞു
പ്രേമഗാനം മരുമഴയായി
ആദ്യാനുരാഗമുള്ളിൽ
ആരാധനയായി മാറി
അന്നുതൊട്ടിന്നോളം ഞാൻ
ആരാധികയായി മാറി
കണ്ണും കണ്ണും കണ്ടു മുട്ടി
മോഹനമീ കഥ തുടങ്ങി

ഇലയില്ലാ പൂവല്ലികൾ
മരതക നിറമണിഞ്ഞുലഞ്ഞു
ഇതൾവാടും താമരയോ
ഇതൾപൊഴിയാ പൂവായി
ആകാശ വാടിയിൽ
താരാമലരേഴഴകണിഞ്ഞു
ആനന്ദ ചന്ദ്രികയിൽ നാം
നെഞ്ചോടു ചേർന്നലിഞ്ഞു
പൊൻതൂവൽ പോലെ നാം
ഈ തെന്നലിൽ പറന്നുയർന്നു
തൂമഞ്ഞു തുള്ളിയായി
തേന്മലരിൽ കുളിർ ചൊരിഞ്ഞു
കണ്ണും കണ്ണും കണ്ടു മുട്ടി
മോഹനമീ കഥ തുടങ്ങി

താലവനം പീലി നീർത്തും
കാറ്റിൽ നിൻ മുടി ഉലഞ്ഞൂ
മലർമണം ഒഴുകുമ്പോൾ
സന്ധ്യയിൽ നിൻ മൗനരാഗം
ഏകാന്തരാവിൽ നിൻ
ശീതളമധു മർമ്മരങ്ങൾ
ഏതോ നിഴൽപ്പാടിൽ നിൻ
ഗന്ധർവ്വ വീണാ നാദം
നീയെന്ന പ്രണയരൂപം
ജീവനിൽ തിരയുണർത്തി
നാഥാ നിൻ രാഗമെൻ
ആത്മഗീതമായി മാറി
(കണ്ണും കണ്ണും കണ്ടു മുട്ടി)

Song video

Watch on YouTube

Song information

Music: ദീപാങ്കുരൻ

Lyricist: കൈതപ്രം

Singer: അഞ്ജലി ജയറാം

Film/album: ക്യാമൽ സഫാരി

Explore this song