Malayalam lyrics

തരരരം.. തരരരം.. തരരരം തതരരരം.. തതരരരം തരരം..

കാറ്റിൽ ഈ ജാലകം പാതി ചാരുന്നു 

മുല്ലകൾ പൂമണം തൂവിനിൽക്കുന്നു 

ദേവദാരുവിനെ മഞ്ഞുണർത്തുന്നു

മെഴുതിരി നാളമായ് ശ്വാസമുലയുന്നു 

കാറ്റിൽ ഈ ജാലകം പാതി ചാരുന്നു 

മുല്ലകൾ പൂമണം തൂവിനിൽക്കുന്നു..

വിരികളിൽ വിതറുമീ മണിമലർ ചെമ്പകം 

ഉടലുകൾ പൊതിയുവാൻ സുരഭിയാം കമ്പളം 

നീഹാരനിഴലുകൾ ഉതിർന്നു വീഴവേ 

ഈ രാവിൻ സൗഭഗം തുളുമ്പിനിന്നുവോ 

നിലാനാളമാടിനിന്നുവോ..

വെണ്ണിലാ വീഞ്ഞിൽ ഈ രാവുമലിയുന്നു 

ചഞ്ചലം താരകൾ കണ്ണുചിമ്മുന്നു 

മഴവിരൽ തഴുകുമാ ഹരിതമാം സാനുവിൽ 

കുതിരുമോ ശിലകളും ഹിമാകണം പോലവേ 

സൗവർണഭൂമിയെ തലോടി നീങ്ങുവാൻ 

ആഷാഢമുകിലുകൾ ഇറങ്ങിവന്നുവോ 

കിനാ ജ്വാലയാടിനിന്നുവോ 

തെരുതെരെ നനുനനെ മഞ്ഞുവീഴുന്നു  

വെണ്ണിലാ വീഞ്ഞിൽ ഈ രാവുമലിയുന്നു 

ദേവദാരുവിനെ മഞ്ഞുണർത്തുന്നു

മെഴുതിരി നാളമായ് ശ്വാസമുലയുന്നു 

കാറ്റിൽ ഈ ജാലകം പാതി ചാരുന്നു 

മുല്ലകൾ പൂമണം തൂവിനിൽക്കുന്നു..

Song information

Music: എം ജയചന്ദ്രൻ

Lyricist: റഫീക്ക് അഹമ്മദ്

Singer: വിജയ് യേശുദാസ്

Film/album: എന്റെ മെഴുതിരി അത്താഴങ്ങൾ

Explore this song