Malayalam lyrics

ഓർമ്മപ്പൂവേ പോരൂ

ഓമൽപൂവെ പോരൂ

ആരും കാണാതോൺലൈൻ ചാറ്റിൻ കാറ്റിൽ

കുട്ടിക്കാലം തൊട്ടേ

മുത്തംവയ്ക്കാൻ നിന്നെ

വട്ടംചുറ്റാറുണ്ടേ മിണ്ടാവണ്ടായ്

നേരംപോകാനേരം

നീ ഇൻബോക്സിൽ വന്നാൽ

മണ്ടിപ്പെണ്ണേ മിണ്ടാം തമ്മിൽതമ്മിൽ കാണാം രാഗം കൈമാറാം

പൂരം നാളിൽ പെണ്ണേ

കാമൻ ഞാൻ പോരട്ടേ

ചോന്നമുരിക്കിൻ പൂപോലാടും പൊന്നേ

സിസ്റ്റം ഹാങ്ങാക്കല്ലേ

ബാറ്ററി വീക്കാക്കല്ലേ

മെമ്മറി ഫുള്ളാണെന്നു പറഞ്ഞിട്ടെന്തേ

ഷിഫ്റ്റുഡിലീറ്റാക്കൊല്ലേ

ഷട്ട്ഡൗൺ ചെയ്തേയ്ക്കൊല്ലേ

നിൻവിരൽ തുമ്പാൽ തൊട്ടാൽ പാടും കീബോർഡായീടും ഞാൻ

പൂവാലൻ തേൻവണ്ടേ

നിന്നെ ഞാൻ കണികണ്ടേ

പെരുമാൾ തിരുമുറ്റത്തോ നിൻ വിളയാട്ടം

തേനൂറുന്നോരീണം കോളർ ട്യൂണായ് പൊന്നേ

മൂളിമുരണ്ടാൽ വീഴാ പൂവാണീ ഞാൻ

കള്ളകാർമുകിൽ വണ്ടേ

പണ്ടേപോലെൻ പൊന്നേ

അന്തിചാറ്റിൻ സംബന്ധത്തിൽ വീണ്ടും വാഴാനില്ലാ പൂക്കാലം

പോക്കോം തെരുവിൽ പോണ്ടേ

പൊറാട്ടുകണ്ടു വരേണ്ടേ

മിണ്ടാട്ടത്തിനു ഞാനുംകൂടേ വേണ്ടേ

ഔട്ടോഫ് കവറേജായ് നീ

മൂടൗട്ടാക്കാൻ പോയാൽ

ജിപിയെസ് ഞാൻ വെച്ചുപിടിയ്ക്കും നിന്നെ

രണ്ടാം ഹണിമൂണാണേ

മിണ്ടാ പുടമുറിയാണേ

എൻ മൊബൈൽ സ്മാർട്ടാം ഫോണിൽ സ്യൂട്ടാം ഡ്യൂവൽ സിമ്മാണീ ഞാൻ

കാർമേഘത്തരിവണ്ടേ

സന്ദേശം കൈക്കൊണ്ടേ

എന്നുടെയുള്ളിൽ നീറും വൈറസായേ

ഫോർമാറ്റാക്കിപ്പോക്കായ്

ഇൻസ്റ്റാളാക്കാൻ നോക്കാം

റീസൈക്കിൾബിൻ തപ്പാം റീസ്റ്റോറാക്കാം

കള്ളക്കാമുകവണ്ടേ മിണ്ടിപ്പറയാനുണ്ടേ

രണ്ടാൾകമ്പികൂട്ടിൽ കൂടാനുണ്ടോ രണ്ടാം ബാല്യം കൗമാരം

Song information

Music: ബിജിബാൽ

Lyricist: ശ്രീഹരി എ സി

Singer: ജി ശ്രീറാംവൃന്ദ ഷമീക് ഘോഷ്

Film/album: ആൻഡ്രോയ്ഡ് കുഞ്ഞപ്പൻ ver 5.25

Explore this song