Malayalam lyrics

ഓമനിയ്ക്കും ഓര്‍മ്മകളേ 
ഒരു നിമിഷം ഓടിവരൂ മനസ്സില്‍
ഒത്തിരി ദൂരെയെന്‍ സ്വപ്നമനോരഥം 
തേടിനടന്ന തലങ്ങളിലൂടെ
ഓടിവരു മനസ്സില്‍ 
ഓമനിയ്ക്കും ഓര്‍മ്മകളേ 
ഒരു നിമിഷം ഓടി വരൂ മനസ്സില്‍
കണ്ണുകള്‍ ഈറനണിഞ്ഞു വരും പുണ്യമുഹൂര്‍ത്തങ്ങളേ
പൂജിക്കുവാനല്ല ലാളിക്കുവാനല്ല 
ഓര്‍മ്മിയ്ക്കുവാന്‍ മാത്രം
ഒന്നു വരു ഒന്നരികില്‍ വരൂ
ഓര്‍മ്മകളേ....
സുന്ദരയൗവ്വന നാമ്പുകളില്‍ 
ചന്ദനം പൂശി നിങ്ങൾ
കുഞ്ഞു വിനോദങ്ങള്‍ 
കുഞ്ഞു വികാരങ്ങള്‍ 
കൂട്ടി വെച്ചു നിങ്ങൾ
എന്തകലേ എന്തകലേ 
നിങ്ങള്‍ ഓര്‍മ്മകളെ 
ഓര്‍മ്മകളേ....

Song video

Watch on YouTube

Song information

Music: നിസരി ഉമ്മർ

Lyricist: ബിച്ചു തിരുമല

Singer: എം ജി ശ്രീകുമാർ

Film/album: വരണമാല്യം

Explore this song