Malayalam lyrics

ഓ ശാരികേ ജീവനായി നീ വരൂ
ഓ ഗാനമേ നാദമായി നീ വരൂ
നീയും നിന്റെ അഴകും
മനസ്സിലാകെ സംഗീതം
എന്നും നിന്റെ അരികെ
അറിയുമാത്മ സായൂജ്യം
ജന്മസാഫല്യം..
ഓ ശാരികേ ജീവനായി നീ വരൂ
ഓ ഗാനമേ നാദമായി നീ വരൂ
കുട നീർത്തി നിന്നു വാനം
തുടി മീട്ടി വന്നു കാലം
മനസ്സിന്റെ വീണ തന്നിൽ
മായാത്ത സ്നേഹമന്ത്രം.. (കുട)
ഹൃദയം നിറയെ എന്നും
അനുഭൂതിയായി നീ മാത്രം
പ്രണയാർദ്ര സങ്കല്പങ്ങൾ
നിറവാർന്നു നിന്നിൽ മാത്രം..
ഓ ശാരികേ ജീവനായി നീ വരൂ
ഓ ഗാനമേ നാദമായി നീ വരൂ...
ഒരു പുണ്യമായി വന്നു
നെഞ്ചോടു ചേർന്നു നിന്നു
മതിയോളമാഗ്രഹങ്ങൾ
കരളിൽ പകർന്നുതന്നു.. (ഒരു)
ഇനിയെൻ ഹൃദയമാകെ
നീ തന്ന സ്നേഹം മാത്രം
പിരിയാതെ ജീവനിലെന്നും
ഒന്നായിരുന്നീ ബന്ധം..
ഓ ശാരികേ ജീവനായി നീ വരൂ
ഓ ഗാനമേ നാദമായി നീ വരൂ
നീയും നിന്റെ അഴകും
മനസ്സിലാകെ സംഗീതം
എന്നും നിന്റെ അരികെ
അറിയുമാത്മ സായൂജ്യം
ജന്മസാഫല്യം..
ഓ ശാരികേ ജീവനായി നീ വരൂ
ഓ ഗാനമേ നാദമായി നീ വരൂ....

Song information

Music: സണ്ണി സ്റ്റീഫൻ

Lyricist: ഗിരീഷ് പുത്തഞ്ചേരി

Singer: കെ ജെ യേശുദാസ്

Film/album: ടോക്കിയോ നഗറിലെ വിശേഷങ്ങൾ

Explore this song