Malayalam lyrics

ഒരു രാപ്പൂ പുല്ലുപായിൽ നീ

വരതങ്ക തംബുരൂ വരൂ

ശിവഗംഗാ തീർത്ഥം തേടുവാൻ

ഒരു പാവം വൈഗയായി ഞാൻ

പ്രണയത്തിൻ ചന്ദനം തരാം

തിരുനെറ്റി കണ്ണേ കണ്മണീ

മഴനൂലുകളിൽ മുല്ലമൊട്ടുമണികൾ

മനസ്സൊടൊരു മന്ത്രമൊഴിഞ്ഞു

നിന്നെ ഞാനറിയും പോലെ

നമ്മിൽ നാമലിയും പോലെ

കുരുന്നിളം പൂക്കൾ പറന്നൂ

പുഴയോരക്കസവാൽ മൂടും

പുലർകാല കുയിലായ് പാടും

മണിമേഘത്തൂവൽ കുട ചൂടും

ചിറകോലും ചോളപ്പൂക്കൾ

മുടിയോളം മുട്ടിന്നിടയിൽ 

ഒളികണ്ണിട്ടിവളെ കളിയാക്കും 

നിന്റെ കണ്ണകീ കുരുന്നുകാമുകീ

എൻ ചെറുചിലമ്പു മണി തരാം

എന്റെ മാർഗഴി മഞ്ഞൾ തേൻതുളി

എൻ മധുരമീനാക്ഷി നീ

ആ.......ആ.......ആ......ആ

മ്.....തുടുമിന്നൽ നിൻ ചിരിയായി

തുടിതാളം മോഹനമായി

ഹിമശൃംഗം ശയ്യകളായ് മാറി

ഒരു കൂവളദളമായ് ഹൃദയം

അതിലുതിരും മർമ്മരതാളം

മനസ്സാകും ഡമരുകമാകുമ്പോൾ

എന്റെ മൃൺമയീ വസന്തയാമിനീ

നിന്റെ ചെറുനിറമറുക് തരൂ

എന്റെ യാമിനി,പ്രിയരഞ്ജിനി

ഈ ജടയിലൊഴുകും ഗംഗാനദി....(പല്ലവി)

Song video

Watch on YouTube

Song information

Music: രാഹുൽ രാജ്

Lyricist: ഗിരീഷ് പുത്തഞ്ചേരി

Singer: മധു ബാലകൃഷ്ണൻസംഗീത ശ്രീകാന്ത്

Film/album: ടൈം

Explore this song