Malayalam lyrics

എൻ രാമഴയിൽ ഇതൾ നനയും പനിമതിയെ

നിൻ ഓർമ്മകളാൽ മയ്യെഴുതും നഗരമിതിൽ

കാണാമറയത്തു നിന്നും ഏതോ മയൂരങ്ങളാടി

ആരോരുമറിയാതെ നിൻ പൊൻപിറാവുകൾ

ഇളവെയിലായ്‌ ഇണതിരയുകയോ

എൻ രാമഴയിൽ ഇതൾ നനയും പനിമതിയെ

നിൻ ഓർമ്മകളാൽ മയ്യെഴുതും നഗരമിതിൽ

വേനൽമഴക്കൂടിനാഴങ്ങളിൽ വിരിയും കിനാപക്ഷിമൂളുന്നുവോ

അനുരാഗിയാമെന്റെയുള്ളിൽ ഈറൻമുടിച്ചാർത്തുലഞ്ഞു

ഋതുരേഖപോലെ അറിയാതെയിന്നും

കവിളിണയിൽ ഒരു തണുവായ് വാ

എൻ രാമഴയിൽ ഇതൾ നനയും പനിമതിയെ

നിൻ ഓർമ്മകളാൽ മയ്യെഴുതും നഗരമിതിൽ

അജ്ഞാതമേഘങ്ങളലയുന്നുവോ അതിരറ്റൊരാകശമാനങ്ങളായ്

താഴ് വാരമറിയുന്ന രതിയിൽ സിന്ദൂരമലിയുന്ന നേരം

അനുയാത്രപോലെ ഏകാകിയായി

നിഴൽമറയിൽ അകമഴയിൽ ഞാനും

എൻ രാമഴയിൽ ഇതൾ നനയും പനിമതിയെ

നിൻ ഓർമ്മകളാൽ മയ്യെഴുതും നഗരമിതിൽ

Song information

Music: രതീഷ് വേഗ

Lyricist: അനൂപ് മേനോൻ

Singer: വിജയ് യേശുദാസ്

Film/album: കിംഗ് ഫിഷ്

Explore this song