Malayalam lyrics

ആകാശമറിയാതെ സൂര്യനായുണരുന്നു

അമ്മേ നിന്നെ കണി കാണുവാൻ

അലയാഴിയറിയാതെ കടലാഴമൊഴുകുന്നു

അമ്മേ നിന്നെ താരാട്ടുവാൻ

ഒന്നും മിണ്ടാതെ നിൻ നെഞ്ചിൽ പാൽ തേടുന്നു

പൈക്കിടാവു പോലെ എന്റെ കുറുമ്പിന്റെ കുറുമണി കുസൃതികൾ

(ആകാശമറിയാതെ...)

അമ്മേ അലിവിൻ പൊന്നാമ്പലേ നീ 

നിലവിന്റെ പാൽക്കുമ്പിളായി

മഴയുടെ മർമ്മരമായി

പൊഴിയാ മിഴി തോരാതെ നീയെന്നിൽ

പകരുമീ സൗരഭം നിറമെഴും സൗഹൃദം

(ആകാശമറിയാതെ...)

അമ്മേ ഒഴുകും പുണ്യാഹമേ നീ എരിയുന്ന വിൺ താരമോ

ഉരുകുന്ന മെഴുതിരിയോ

പതിയെ പറയുന്നു നീ പരിഭവമായി

വെറുതെയീ യാത്രയിൽ

ശ്രുതിയിടാൻ മാത്രമായ്

(ആകാശമറിയാതെ...)

Song video

Watch on YouTube

Song information

Music: തേജ് മെർവിൻ

Lyricist: ഗിരീഷ് പുത്തഞ്ചേരി

Singer: കെ ജെ യേശുദാസ്

Film/album: താന്തോന്നി

Explore this song