Roman script
vo dekho jala ghar kisi ka
vo dekho jala ghar kisi ka, ye tute hai kisake sitare
vo qismat hansi aur aise hansi ke rone lage gam ke mare
vo dekho jala ghar kisi ka, ye tute hai kisake sitare
vo qismat hansi aur aise hansi ke rone lage gam ke mare
vo dekho jala ghar kisi ka
gaya jaise jhoka hava ka hamari khushi ka zamana
diye hamko qismat ne aansu jab aaya hame muskurana
bina hamsafar hai suni dagar kidhar jaye ham besahare
vo dekho jala ghar kisi ka
hai rahe kathin dur manzil ye chhaya hai kaisa andhera
ki ab chand-suraj bhi milakar nahi kar sakenge savera
ghata chhayegi bahar aayegi na aayenge vo din hamare
vo dekho jala ghar kisi ka
idhar ro rahi hai ye aankhe udhar asaman ro raha hai
mujhe kar ke barabad zalim pasheman ab ho raha hai
ye barakha kabhi to ruk jayegi rukenge na aansu hamare
vo dekho jala ghar kisi ka, ye tute hai kisake sitare
vo qismat hansi aur aise hansi ke rone lage gam ke mare
vo dekho jala ghar kisi ka
Explore this song