വെള്ളാരംകുന്നത്ത് - M

Malayalam lyrics

വെള്ളാരം കുന്നത്ത് 
തിങ്കളിതാ പൊങ്ങുന്നേ
വെള്ളിപ്പൂം കൊലുസ്സിട്ട്
പെണ്ണാളും തുള്ളുന്നേ 
തുള്ളാരം തുള്ളി വരും 
കുഞ്ഞിക്കിളി പാറുന്നേ
തുള്ളിയോടിയും ചിന്തു പാടിയും
തുള്ളിയാടിടാം നമ്മൾക്കാഘോഷം
(വെള്ളാരം...)
മനമിന്നൊരു തേന്മാവ് 
മയിലാടും പൂങ്കാവ്‌
കടലോര പൂവലയിൽ 
കളിയാടും പൂന്തോണി
ഇനി നാവിൽ പാട്ടുണ്ട് 
ദ്രുതതാള ചേലുണ്ട്
മണിനാഗം പോലഴകായ് 
ഉടലാടും ചോടുണ്ട്
കളിയാടും പൈങ്കിളിയേ.. 
ഇടനെഞ്ചിൽ കനിവില്ലേ 
ഇണ പാടും കാടില്ലേ
കെസ്സുപാട്ടുമായ് 
ഒത്തു ചേർന്നു നാം 
നൃത്തമാടിടാം മേളത്തിൽ
(വെള്ളാരം...)
മധുപെയ്യും പുഷ്പങ്ങൾ 
വരവേൽക്കും താലങ്ങൾ
കണിവാഴ തൊങ്ങലുകൾ 
കനവൂറും പൊന്നലകൾ
ശ്രുതി മൂളി ചാഞ്ചാട് 
മണിവർണ്ണ പൂമ്പാറ്റേ
നുരചിന്നും ചിരിയോടെ 
നിറയുന്നു തേൻചോല
കളിവാക്കിൻ കിങ്ങിണിയോ..
ലയമാർന്ന പൂവിനകം 
ലാവണ്യ തേൻകൂട്
പ്രേമലോലനായ് രാഗരൂപനായ്
ഓളമാർന്നു വാ പൂമ്പാറ്റേ
(വെള്ളാരം...)

Song video

Watch on YouTube