പ്രകൃതി യൗവനപുഷ്പങ്ങളിൽ

Malayalam lyrics

പ്രകൃതി യൗവനപുഷ്പങ്ങളിൽ
ഒഴുകും പരിമള കസ്തൂരി
അനുഭവസുന്ദര സായന്തനം
അനുഭൂതികളുടെ ആലിംഗനം
സുഖദം നിറകുടമമൃതു തുളുമ്പി
നുകരൂ നിശയുടെ ശലഭങ്ങളേ (2)
(പ്രകൃതി..)
ഏതു നികുഞ്ജം തേടിവരുന്നു
പേടമാനേ നീ
ആരുടെയമ്പേറ്റോടി വരുന്നു
ആർദ്രമനോഹരീ നീ
കദളിവനിയിൽ പ്രിയമണിയറയിൽ
അഭയം തേടുക നീ
അരുതേ അരുതേ
ആശ്രമവനിയിലെ ഇളമാനിണയെ ശരമെയ്യരുതേ
(പ്രകൃതി..)
സ്നേഹമരന്ദം തേടി നടക്കും പാവം  പൈങ്കിളി നീ
ആരുടെ വലയിൽ വീണു പിടഞ്ഞു രാഗമരാളിക നീ
എരിതീക്കനലിൽ ചിറകെരിയുമ്പോൾ
എവിടെ ഒളിക്കുമോ  നീ
കാമലേ ഓ ലോട്ട് ഒഫ് ലൗവ്
അസുലഭ നിർവൃതി നുകർന്നു പറന്നു പോം
പ്രിയരേ പ്രിയരേ
(പ്രകൃതി..)