Oru Novil Eriyum / ഒരു നോവിൽ എരിയും

Malayalam lyrics

ഒരു നോവിൽ എരിയും കനവിൻ പീലികൾ
വിട ചൊല്ലി മറയുന്നോ
ശ്രുതി ചേർത്തു പാടുവാനറിയാതെ
പൂങ്കുയിൽ കരൾ നൊന്തു പിടയുന്നോ
പൂങ്കുയിൽ കരൾ നൊന്തു പിടയുന്നോ
(ഒരു നോവിൽ...)
താമരപ്പാടം കരിഞ്ഞു പോയോ
താരണിത്തെന്നൽ തളർന്നു നിന്നോ
മണ്ണിൻ്റെ മാറിൽ മയങ്ങുവാനാവാതെ
മഴമേഘം വിതുമ്പി നിന്നോ
(ഒരു നോവിൽ...)
ഈ മുളംതണ്ടും മൂകമായോ
മൂവന്തിച്ചോപ്പും മാഞ്ഞുപോയോ
ഏതോ നീർമിഴി ചില്ലിലോർമ്മ തൻ
മഴവില്ലും മാഞ്ഞു പോയോ
(ഒരു നോവിൽ...)