മായാമഞ്ഞിൻ കൂടാരം

Malayalam lyrics

മായാമഞ്ഞിൻ കൂടാരം
അതിൽ മിന്നാമിന്നി പൊൻതാരം
സ്നേഹം പെയ്യും രാവോരം
പല മോഹം നെയ്യും മന്ദാരം
മഴയൂഞ്ഞാലാടും മേഘങ്ങൾ
കുളിരീറൻ തൂവൽ വീശുമ്പോൾ
മഴവില്ലിൻ വാതിൽ പാതി ചാരാൻ കൊതിക്കുന്നാരോ.....
കരളിനുള്ളാകെ
പുലരി വിണ്ണായെ
കുരുന്നു കാലടിയിൽ..
ആരോ വിരുന്നു വരവായോ..
മാതാ വേകിയ പൊന്നും മുത്തിന്..
അഭയമായി തണലിടാം
അത്താഴത്തിനു മുന്നേ നിത്യം
കനിവിനൊന്നായി ഉരുകിടാം
നിലാനൂലാലേ
മനസ്സുകൾ കോർത്തേ
മലരാടും കൊമ്പിൽ
കൂടു കൂട്ടി മയങ്ങാം മെല്ലെ...
മായാമഞ്ഞിൻ കൂടാരം..
പല മോഹം നെയ്യും മന്ദാരം
മഴയൂഞ്ഞാലാടും മേഘങ്ങൾ
കുളിരീറൻ തൂവൽ വീശുമ്പോൾ
​​​​​​​മഴവില്ലിൻ വാതിൽ പാതി ചാരാൻ കൊതിക്കുന്നാരോ.....