മാനിൻ മിഴിയുള്ള

Malayalam lyrics

മാനിൻ മിഴിയുള്ള  നാണച്ചിറകുള്ള
ലാവിന്നഴകിവളാരെന്നറിയില്ല
പാറി വന്നീവഴിയേ കണ്ണാടിനദിയരികെ 
മേഘച്ചെരുവിലെ മിന്നൽ വളച്ചു ഞാൻ
ഉള്ളിലൊരുക്കിയ തോണിയിറക്കീടും
മോഹിച്ച രാവിൻ ഓളത്തിലെങ്ങോ 
പാടി തുഴഞ്ഞീടും
 
നീയെന്നുയുരിലെ 
തീയൊന്നറിയില്ലേ
നേരം തിരയാതെ
പെയ്തിടുകില്ലേ
കാടറിയാതെയും കാറ്ററിയാതെയും 
രാമഴ തേന്മഴയായ് 
വേനൽ‌പ്പുഴയുടെ തീരത്തിനി നമ്മൾ
തൂവൽ വിരിച്ചുറങ്ങാം
അരികിലായ് നീ അലസയായ് പെണ്ണേ..
പെണ്ണേ.... ഓ.... 
 
നീയാവും താഴ്‌വാരം
ഞാനേതോ വാർമേഘം 
മേലാകേ മൂടുന്നോ 
രാനേരം തീരോളം 
നിൻ മിഴിയെന്നൊരു വെൺ‌നദിയിൽ
മഞ്ഞല മിന്നുകയോ 
പൂവിതളായതിലിന്നിനിയെൻ
കാമന നീന്തുകയോ ...
ഹൃദയമന്ത്രമൊഴുകി മെല്ലെ
വരുമൊരു തിരയായ് 
 
 ( നീയെന്നുയുരിലെ ..)