Mandaarasumamo / മന്ദാരസുമമോ

Malayalam lyrics

മന്ദാര സുമമോ മാകന്ദ സുമമോ
എന്തോ വന്നെന്‍റെ മനസ്സിൽ കൊണ്ടൂ
മല്ലീശരനോ മറ്റാരാണോ
വില്ലുകുലച്ചൊരു ശരമെയ്തു
(മന്ദാര സുമമോ)
വേദനിച്ചു മനം വേദനിച്ചു പക്ഷെ
വേടനെ ഞാൻ തിരിഞ്ഞു നോക്കി (2)
കൗമാരവനത്തിലെ കസ്തൂരി പിടമാൻ
കാമദേവനെ തിരിഞ്ഞു നോക്കി
ആ കാമദേവനെ തിരിഞ്ഞു നോക്കി
(മന്ദാര സുമമോ)
മയങ്ങുമ്പോൾ രാവിൽ മയങ്ങുമ്പോൾ
മണിക്കിനാവു വന്നലയടിച്ചു (2)
മണിക്കിനാവിന്‍റെ മധുമാസവാനിൽ
മാരന്‍റെ പൂമുഖം വന്നുദിച്ചു
പുതു മാരന്‍റെ പൂമുഖം വന്നുദിച്ചു
(മന്ദാര സുമമോ)