Malayalam lyrics

മാലാഖയായ് നീ വരുമോ സഖീ
മാലേയഭാവം പകരൂ സഖീ
നീയെന്‍ ജീവനില്‍ രാഗം തൂകുമോ
നീയെന്നില്‍ പ്രേമാമൃതം
അനുരാഗലോലം നീ അരികില്‍ വരൂ
അകതാരില്‍ ഈണം പകരാന്‍ വരൂ
നീയെന്‍ മാനസം തേടും ജീവിതം
നീയെന്റെ ദേവാലയം
മാലാഖയായ് നീ വരുമോ സഖീ
മാലേയഭാവം പകരൂ സഖീ
കരതാരില്‍ സുമമാല
മനതാരില്‍ രതിമേള
ശാലീനതേ നീ വരൂ
സാമഗാനഗീതികള്‍ വേണുവൂതവേ
സാലകാലഭേരികള്‍ താളമേകവേ
മതിമോഹമണയാത്ത ദീപം
മാലാഖയായ് നീ വരുമോ സഖീ
മാലേയഭാവം പകരൂ സഖീ
മധുമാസ മലരായി
വിധുരാവില്‍ വിടരുമ്പോള്‍
ആത്മാവില്‍ തേന്‍തൂകുമോ
രാഗലോലനായ് ഞാന്‍ കാത്തിരുന്നിടാം
നാകലോകമാകെയും കൈവെടിഞ്ഞിടാം
വധുവായി വരൂ നീയെന്‍ ദേവി
മാലാഖയായ് നീ വരുമോ സഖീ
മാലേയഭാവം പകരൂ സഖീ
നീയെന്റെ ദേവാലയം
നീയെന്നില്‍ പ്രേമാമൃതം
നീയെന്റെ ദേവാലയം
നീയെന്നില്‍ പ്രേമാമൃതം

Song details

Music: ടി കെ ലായന്‍

Film/album: പത്തേമാരി