Malayalam lyrics

മാരനെയ്താല്‍ മുറിയാത്ത മനസ്സാണോ അനു-

രാഗമെന്തെന്നറിയാത്ത തപസ്സാണോ

താമര വിടരാത്ത സരസ്സാണോ പൊന്നും

താരക തെളിയാത്ത നഭസ്സാണോ

[മാരനെയ്താല്‍]

മധുമാസം ഹൃദയത്തില്‍ പകരുന്ന പൂന്തേന്‍

മധുപന്നു നല്‍കാത്ത മലരുണ്ടോ

താമര വിരലിന്‍റെ ലാളനമേല്‍ക്കുമ്പോള്‍

താലോലം പാടാത്ത വീണയുണ്ടോ

[മാരനെയ്താല്‍]

ആനന്ദഗാനം പാടി കാമുകനെ തേടി

ആഴിയിലണയാത്ത നദിയുണ്ടോ

കോമളവസന്തത്തിന്‍ ആലിംഗനങ്ങളില്‍

കോരിത്തരിക്കാത്ത വല്ലിയുണ്ടോ

[മാരനെയ്താല്‍]

Song information

സംഗീതം: ജി ദേവരാജന്‍

ഗാനരചന: യൂസഫലി കേച്ചേരി

ഗായകര്‍: പി മാധുരി

രാഗം: പഹാഡി

വര്‍ഗ്ഗീകരണം: റേഡിയോ

വിശദവിവരങ്ങള്‍: ഷിബു ജേക്കബ്

വിഡിയോ: ഷിബു ജേക്കബ്

Album: ആകാശവാണി ലളിതഗാനങ്ങള്‍

Explore this song