Malayalam lyrics

ലില്ലിപ്പൂവിന്‍ നാവില്‍ പൊന്നും തേനും
ചെല്ലക്കാറ്റിന്‍ ചുണ്ടില്‍ തെന്നും നാണം
പാടും പാട്ടിലാകെ സ്നേഹരാഗം
വാനമ്പാടി താനേ മൂളിയെന്നും
ചെമ്മാനത്തെ പൂത്താലം
ഇന്നാരോ വാരിത്തൂകി
പോരൂ നീ രാവില്‍
നിലാവിന്റെ നാടാകെ ദീപങ്ങളായ്
കനിഞ്ഞ മുന്തിരിക്കുലകളുമായ്
വിരുന്നൊരുക്കും കുരുവികളേ
കഥകള്‍ പറയാം ശാരോണിന്‍ ഗീതം
ഇനിമയമായ് പാടിടാം
ഇരവിലുറങ്ങും യേറൂശലേമിനെ
ഇനിയുണര്‍ത്താന്‍ പോയിടാം
നേരം പോയീ ശാലേംരാജനേ
ഉണരുണരൂ പ്രിയനേ
ഒലീവിന്‍ ചില്ലകള്‍ അണിഞ്ഞൊരുങ്ങി
കാനാവിൽ യേശുവിനോശാനയായ്
അംബരസീമതന്‍ ഓരത്തനന്തമായ്
ഒരു സ്നേഹ യോര്‍ദാന്‍തടം
അവിടെ സോളമന്‍ സുരഭില രാഗങ്ങള്‍
അറിയാതെ മൂളീടുന്നു
രാഗോല്ലാസനായ് രാജകുമാരാ
സങ്കീര്‍ത്തനം പാടി വാ

Song video

Watch on YouTube

Song details

Music: എം ജി രാധാകൃഷ്ണൻ

Film/album: പൈലറ്റ്സ്