Kurumozhiyude / കുറുമൊഴിയുടെ

Malayalam lyrics

കുറുമൊഴിയുടെ കാട്ടിലെ
കുളിരൊളിവെയില്‍ നീളവേ
കനവുനെയ്ത നെഞ്ചിലെ
കവിത മൂളി മെല്ലവേ..
മിഴി തിരയുവതാരെ ദൂരെ
ജനുവരിയിലെ പൂക്കളേ...
(കുറുമൊഴിയുടെ....)
കാത്തിരുന്നൊരീ പുലരി വാതിലില്‍
സൂര്യകാന്തികള്‍ പൂത്തുനില്‍ക്കയോ..
പറന്നേറുമീ തെന്നലിന്‍ മാറിലെ..ഹോ...
മദം കൊണ്ടു നീ ശലഭമേ പോകയോ....
(കുറുമൊഴിയുടെ....)
മേഘമര്‍മ്മരം തഴുകി വന്നുവോ
വെൺപിറാവുകള്‍ കുറുകി നിന്നുവോ...
നിറം ചോരുമീ ചെമ്പനീര്‍ച്ചുണ്ടിലെ..ഓ...
ഇളം മഞ്ഞുനീര്‍ തേന്‍കണം വാര്‍ന്നുവോ...
(കുറുമൊഴിയുടെ....)