Kalindee Njan NinKulirtheerathen / കാളിന്ദീ ഞാൻ നിൻകുളിർതീരത്തെൻ

Malayalam lyrics

കാളിന്ദീ ഞാൻ നിൻ കുളിർതീരത്തെൻ
കാർമുകിൽവർണ്ണനെ കണ്ടു
കാലൊച്ച കേൾക്കാതെ ചാരത്തു ചെന്നപ്പോൾ
കാർവർണ്ണനെങ്ങോ മറഞ്ഞു
കരളിലെ പൂത്താലം നിറയെ ഞാനിന്നും
സുരഭില മലരുകൾ ഇറുത്തു വച്ചു
അവയിലെ പ്രേമമധുവിൻ മധുരിമ
മതിയാകാഞ്ഞോ നീ മറഞ്ഞു - കണ്ണാ -
ഈ ഗോപകന്യയെ നീ മറന്നു
തളിരണി മാമരത്തണലിലാ സന്ധ്യയിൽ
ഇളകുമെന്നളകം നീ ഒതുക്കി വച്ചു
മുടിയിലെ ശ്യാമക്കടലിൻ നീലിമ
കൊതിയാണെന്നു നീ മൊഴിഞ്ഞു - കണ്ണാ -
ആ ശോണസന്ധ്യയും നീ മറന്നു